《娛樂百分百》全年靠威廉做主持　金鐘獎竟然頒給羅志祥？

昨日（9月30日）台灣「第52屆電視金鐘獎」正式揭曉，今年最爆的當然是老牌節目《娛樂百分百》拿下金鐘獎綜藝節目主持人獎，打敗強敵胡瓜和吳宗憲及黃子佼，但係自從羅志祥北上神州發展之後，留在台灣主持的該節目的時間少之又少，主要靠其他拍檔威廉與愷樂主持，實在奇怪點解佢又拎到獎呢？

今屆金鐘獎公佈名單時，《娛樂百分百》即入圍了「綜藝節目獎」以及「綜藝節目主持人獎」兩項，但其中「綜藝節目主持人獎」的名單竟然係羅志祥與愷樂，而唔係主持將近兩百集的威廉，而這背後最大原因就係大會的「報名」制度。《娛樂百分百》節目中，主持人都是以「兩人搭檔」的方式主持，所以報名金鐘獎時，只可以用「兩位名額」申報，而八大電視台最初為《娛樂百分百》報名時，將曾主持過的人選包括羅志祥、愷樂、威廉、毛弟、GTM的Wish、Masha等人，揀出最高機率擁獎的組合，以個人名氣來說當然首選羅志祥。

不過羅志祥自從話：「別分那麼細，我們都是中國人。」，依幾年主力在神州發展，更憑《極限挑戰》熱爆大陸，自己擔正開套選秀節目《天生是優我》，試問羅志祥邊有時間返去台灣做主持？不過八大電視台認真識玩，照樣揀羅志祥與愷樂參戰，而唔用主持近200集的威廉，八大咁做真係落威廉面，但又比《娛百》獲得綜藝節目主持人獎，叫威廉情何以堪？而有報導指羅志祥受訪時被問到威廉沒有一起入圍一事，他指遊戲規則就是如此，又話：「要不然下次不要報我報威廉吧」，但下一秒竟然話：「但那會得獎嗎？」網民見到羅志祥這個嘴臉，都群情激憤，更有人指認真想打佢一巴，大為替威廉唔抵。