碧咸變身執波球僮　哈七首次上足球班盡顯老豆遺傳

遺傳基因係非常奇妙嘅一樣嘢，父母比較高大仔女普遍都唔會矮，父母藝術感強仔女都好少會毫無美學眼光。萬人迷碧咸同Victoria結婚18年誕下三子一女，個個都得天獨厚係靚仔靚女，原來佢地更盡得「黃金右腳」真傳，腳法非常了得﹗

碧咸上載兩條短片到IG，片段中見到佢帶住現年6歲，身穿oversize白色球衣嘅囡囡Harper Seven到足球場，寫上「Someone’s ready for her first football lesson(某人人準備好上她的首次足球班。)」話就話係第一次，但Harper Seven功架十足，拖住爸爸隻手父女互傳控球，另一條片就由碧咸拋波俾個女踢，估唔到Harper Seven可以百發百中，仲大腳踢到個波飛走咗，果然盡得爸爸真傳。雖然堂堂萬人迷變左執波球僮，但睇佢嘅笑容就明白不知幾咁享受啦。