【反黑】演「招積」晚晚夜蒲學癲喪　張建聲去盡：拍到精神分裂

網劇《反黑》繼續熱播，不論本港和內地都掀起了一股追劇熱潮，而劇中飾演大反派「招積」一角的張建聲 (Justin) 更成功彈起，出色的演技備受劇迷激讚。別以為要演奸角只要個樣夠兇神惡煞就得，招積這個角色絕對不是咁膚淺。有追呢套劇的人都知招積並非一開始就窮兇極惡咁癲喪，由傻傻更更變到喪失了人性，心路歷程其實很複雜，內外的劇變加上連場的內心戲，Justin都應付得到，完全演活了招積造個悲劇人物角色，令招積變得有血有肉。

當然，Justin在正式開拍前做了很多功課，下了很多苦功，這是他從影以來上最大挑戰的一次，他一邊解構招積這個角色一邊話你知到底有幾難演：「其實招積呢個角色分咗四個唔同嘅層次，一開始係Kai招，第二階段係魔王，至於第三同第四階段，我就唔劇透喇，之後嗰啲先係戲肉。呢個角色係我同中仔 (該劇總導演宋本中) 向Joker致敬嘅，招積到最後就會真正化為Joker現身。因為招積悲慘嘅背景，網民都話嬲佢唔落。我呢啲中階演員演呢個角色係要做到每場戲都有層次嘅，個角色會成長，觀眾嘅代入感亦會愈來愈大。好多謝導演畀呢個角色我。」

Justin很早已開始為角色排練，務求令自己快些入戲：「套劇9月零10月先開拍，我7月就已經將啲頭髮漂咗同染白晒，搞到頭皮嘅毛囊傷晒，導演話係我笨啫，無人叫我一早走去漂染。」而`後遺症除了狂甩頭髮，髮線亦有些向上移。「不過對我嚟講，演戲的確係要由外到內，再由內去返外，呢句說話用喺我身上係真嘅，所以我個外型係招積，我就會變成呢個人，一定要花好長時間入咗戲先，再演繹返出嚟。」演這個角色最難就是要跳拍，即是四個階段的招積不是逐序拍攝：「仲要係一日跳拍幾次，拍到我精神分裂。」

咁拍戲期間太投入角色又有無影響到日常生活？Justin驚爆原本因為太入戲而導致跟前度女朋友分手：「我拍呢套劇之前有個拍咗拖5年嘅女朋友，對我好好嘅，嗰時自己有意無意間為咗呢套劇，當我貪玩又好，為投入角色又好，定其實只係藉口，我群埋啲好喪嘅人，晚晚去啲高級場所玩，感覺舒服，仲玩到唔返屋企，最後同女朋友分手收場。我覺得自己好衰，要個女仔用5年嘅光陰去等我，始終唔係做娛樂圈呢行，好難明白我嘅工作同想法，大家嘅思想會愈走愈遠。我依家正處於事業博殺期，都希望努力做好啲成績先。」

咁拍戲期間太投入角色又有無影響到日常生活？Justin驚爆原本因為太入戲而導致跟前度女朋友分手：「我拍呢套劇之前有個拍咗拖5年嘅女朋友，對我好好嘅，嗰時自己有意無意間為咗呢套劇，當我貪玩又好，為投入角色又好，定其實只係藉口，我群埋啲好喪嘅人，晚晚去啲高級場所玩，感覺舒服，仲玩到唔返屋企，最後同女朋友分手收場。我覺得自己好衰，要個女仔用5年嘅光陰去等我，始終唔係做娛樂圈呢行，好難明白我嘅工作同想法，大家嘅思想會愈走愈遠。我依家正處於事業博殺期，都希望努力做好啲成績先。」

入戲太深的結果亦令Justin抽離不到角色，要去睇精神科醫生兼食藥：「可能我戲齡淺，我覺得抽離角色最快嘅方法就係即刻接拍下一部。」不過他的下一部戲竟然是喜劇，角色的兩極令他感到更困難，幾近陷於精神分裂的狀態。幸好黃秋生的一席話救了他。

「有日秋生去咗搵中仔傾嘢，中仔即刻打畀我叫我過去，叫秋生大師同我傾兩句，中仔同大師講『呢條友好渣，走唔返出個角色。』大師就話『使乜走出嚟，咪將啲角色收喺心度囉，搵其中一個做隊長管住佢哋，等佢哋自己成長，到第時要用就拎返出嚟囉。』聽完秋生講我即刻好似開咗竅咁，唔再覺得困擾，連藥都唔使食。我依家直情就好似24個比利咁，做戲做到都有啲痴痴地線，其實我覺得好嘅演員唔多唔少都有啲精神病。」

唔知大家又會否好奇現實世界中的Justin同劇中的招積反差大唔大，抑或原來也有相似的地方：「Kai招真係我嚟，係我平時嘅自己，比較純同埋陽光。我演Kai招係用咗自己細個嘅經歷嚟做參考，我以前係屋村仔，都有群過啲黑社會，我係將我當時見到嘅嘢搬返入戲度。至於後來嘅招積，我梗係唔似佢啦，佢痴線㗎喎，已經唔係一個正常人，完全係痴線佬嚟。你話佢係part of我嘅dark side，咁就一定係，因為無可能係純演出嚟，我覺得演員自己本身都會有呢啲潛藏嘅黑暗因子。我唔知如果有日有人踩到我嘅底線，話唔定我都會變到好似招積咁喪。」