【周街訪.使徒篇】冇林峯佘詩曼令人棄劇　黃翠如做UC唔睇好

TVB落重本製作的《使徒行者2》近日終於出爐，集結不少演員出演由第一集起日日都死一些人製作了不少話題。雖然話題不少，不過成績似乎未如理想，首播成績總收視只有24.8，比起《同盟》仲低兩點令人甚是意外。

今集《周街訪》就帶大家探討呢個話題，原來在訪問中大家始終忘不了由佘詩曼飾演的釘姐同林峯飾演的爆Seed，對於第二輯無他們主演紛紛都表示冇興趣睇，已經唔再是「原汁原味」。更發表了自己對於《使徒行者2》的睇法，想知道答案就睇落去啦！

早在《使徒行者2》開拍之前，林峯同佘詩曼已宣佈不再出演，搞到一班電視友都話「冇爆seed同釘姐就唔睇」確實如此。在今次訪問中十個有九個都認為無了他們是非常可惜，有他們在先會特別好睇：「他們才是整部劇的靈魂」﹑「佘詩曼才是重點」…大家滔滔不絕地講可想而知第一輯的《使徒行者》對大家影響有幾深。

另外，有人講出了一個重點，既然第二輯已經冇林峯同佘詩曼，其實好明顯吸引度已經不足夠。假如劇名不叫《使徒行者2》改其他劇名很有可能給觀眾一個全新期待感。皆因用《使徒行者2》好容易令觀眾的想法投入在第一輯當中，繼以與第二輯慢慢有聯想而作出比較。所以話拍咩劇都好，如果冇了原先的主角肯定唔收得，往往如是就好似《金枝欲孽》就是一個好例子。

不是原班人馬主演其實已令不少觀眾卻步，換上周柏豪﹑黃翠如等人加入更令大家對該劇唔睇好。好記得當提到二人有份主演該劇的時候，其中一位就好肯定的講：「真心見到周柏豪﹑黃翠如唔想睇」好明顯這個是棄睇的原因之一。另外，早前有報導提到黃翠如在該劇中的形象猶如早年楊千嬅飾演的方麗娟，傻大姐的形象同卧底完全扯不上關係，不少觀眾都覺得黃翠如的演技事實上有待改進：「阿爸阿媽又係個個樣，唔見親人又係個個樣」認為她做一些純情角色會比較合適。

在觀眾眼中一位卧底需要具備不同條件，就好似淡定﹑無忘初衷﹑身手不凡﹑聰明…在他們印象中謝天華飾演的Laughing哥就最好睇，對《潛行狙擊》讚不絕口。今次《使徒行者2》開播其實大家都知道，不過始終冇了林峯同佘詩曼相對比較失色，如今劇集開播了成績一般帶不起如從前般「全城猜卧底」話題，到底是否真的唔好睇，我們就拭目以待喇！