BTS防彈少年團《請給一頓飯Show》做嘉賓 姜鎬童笑Jin被柾國寸？
已經榮升「世界彈」的韓國男團BTS防彈少年團最近有新作面世，宣傳期間A.R.M.Y（BTS粉絲）當然最幸福，唔單止有新歌《DNA》聽，仲可以經常看到他們上綜藝節目。今晚防彈少年團兩位成員Jin和柾國就上《請給一頓飯Show》做嘉賓，而當BTS大哥Jin遇上比他足足細5年的忙內柾國，原來一啲「代溝」都冇，更經常反過來被細佬蝦！
今日《請給一頓飯Show》率先公開一段片段，當中BTS的Jin和柾國跟住主持李敬揆和姜鎬童四周出沒「搵食」，Jin初時自稱「好掛住屋企飯」。之不過，當姜鎬童一問到上次何時食過住家飯時，Jin就即刻破功踢爆自己「講大話」！「我屋企其實好近，3日前先食過，做人真係要誠實啲！」想不到BTS忙內柾國聽到後竟露出超無奈表情，還打了大哥Jin一下，十分搞笑！
BTS防彈少年團《DNA》打入美國Billboard 繼PSY後榮登Hot 100
後來《請給一頓飯Show》一行四人來到一間獨立屋前，李敬揆指住門鐘話：「一陣你哋要自己㩒鐘。」誰知防彈少年團Jin竟以為李敬揆，就是要他按這個門鐘，想也沒想便按了下去，差點弄出大事！BTS柾國又一副「Jin沒救了」的樣子說：「啊！你這……」仲「指斥」Jin年紀明明比自己大5歲卻依然不懂人情細故，引得李敬揆和姜鎬童大笑！
BTS防彈少年團上《認識的哥哥》跳《FIRE》 Jin扮壞學生V尷尬傻笑
BTS柾國「以下犯上」的行為還不止這些，Jin告狀說：「雖然未至於同我講平語，但係會打我！」Jin更即場示範防彈少年團未公開的歌曲中，有他和柾國前後企的編舞。每當他們企定位置時，柾國就會突然大力打他的後頸！睇嚟BTS平日相處、練舞都係笑料百出，記者同A.R.M.Y一樣都想親眼睇一次啊！
更多BTS防彈少年團《請給一頓飯Show》圖片：
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/