【爸爸去哪兒】 小泡芙萌爆睇日落　劉畊宏：我們永遠愛着彼此

所謂「女兒係爸爸前世的情人」，每當大家見到囡囡黐實爸爸、同爸爸撒嬌，大家都覺得爸爸對女兒就好似對老婆咁，超級溫馨！在《爸爸去哪兒》入面，相信劉畊宏最有呢種感覺，繼上一集麒麒偷錫小泡芙，劉畊宏話：「你不能每個人都給他親，親的時候要問爸爸。」今集《爸爸去哪兒》佢哋一齊睇日落，盡顯父女最窩心的一刻。

今集《爸爸去哪兒》講到劉畊宏和小泡芙接到任務要到村外搜集音符，正當佢哋好艱辛咁行上山頂，小泡芙氣都未抖順之際，畊宏就大叫：「寶貝你看！那夕陽很漂亮，像一個蛋黃的顏色。」原來唔經唔覺已經到咗黃昏日落的時分，望到咁靚的自然景色，畊宏梗係叫泡芙一齊睇！

唔知泡芙係咪第一次睇日落，因而望到個太陽實一實，非常入迷！當日落就快完，畊宏話：「當太陽完全掉下去的時間，你就親爸爸一下，表示我們永遠愛着彼此。」

大家睇到小泡芙依種冇任何雕琢，天然流露的表情，非常淳樸，非常開心，睇完心入面就默默產生起戀愛的衝動，而且原本外表健碩的大隻佬爸爸，都有咁窩心的一面，網民見到都大讚：「劉爸爸真的好溫柔，疼妻子疼女兒，是個好爸爸！」

《爸爸去哪兒》節目組見到小泡芙咁討人喜歡，當然喺官方微博不斷上載她的相片，不過每次照片中只要小泡芙靠在爸爸身上，劉畊宏就直接被裁走，搞到他傷心的問：「我只想暗暗的問一句，攝影師眼裡真的有我嗎？」網友見到畊宏咁傷感安慰話：「沒事，我們心裏有你就行了」，劉畊宏亦回應：「嘴巴真甜」！