【多圖】湯洛雯一條IG片捧紅細妹　湯樂瑤Cass係中大法律系高材生

香港小姐2017剛於9月頭結束，其中一件令網民留意的就是張寶欣當選「友誼小姐」（即是BigBigChannel最受歡迎佳麗），而頒獎的更是2016年同為友誼小姐的姊姊張寶兒。正所謂「有其姊必有其妹」，通常靚家姊的身旁，就一定有位靚妹妹。同為香港小姐競選出身的湯洛雯，原來都有個靚妹妹。

近日湯洛雯於IG post出一段與妹妹「教網民一秒變索女」的短片，雖然只是8秒左右，以及輕輕撥一撥頭髮，就已經吸引近5萬網民觀看。不少網民都留說「妹妹一樣咁靚」、「可以参加港姐」添。當然最令人期待的莫過於是這位湯洛雯的妹妹湯樂瑤(Cassandre)會不會加入娛樂圈。如果兩姊妹可以一齊拍劇一齊做節目就好啦，一定會好好睇。

現年21歲的湯樂瑤(Cassandre)除了樣貌吸引之外，原來更是一名高材生，就讀中文大學的法律系（LLB，即是法律學。是很多人口所說的「神科」）。真的是與同是讀心理學的姊姊不相伯仲。雖然好多網民都期待這對姊妹出現在熒幕上，但是湯樂瑤(Cass)似乎還未考慮加入娛樂圈。姊姊湯洛雯回覆《香港01》訪問時說：「因為佢宜家仲讀緊大學，始終都係學業為先。」不過，又唔使灰心嘅。因為湯洛雯之後也有補充說：「大前提都係讀書，如果時間上同埋佢能力上應付到的話，都可以試嘅。」

對於一眾網民的關心及期望，姊姊湯洛雯回覆時說：「（妹妹）佢開心㗎。今次有咁多人讚佢。佢so far就冇諗住入行或者選港姐，但係佢有興趣做KOL嘅。」所以，各位在未來日子還是有機會認識到她的，又或者睇住兩位靚靚姊妹個IG止吓渴先囉。