【使徒行者2】歡喜哥ig放閃慶銀婚　許紹雄：好彩老婆上年提我

《使徒行者2》下週一首播。其中最為人熟悉的歡喜哥（許紹雄飾），再度登場，劇中歡喜哥心狠手辣但情深，而現實中的許紹雄更是一個好老公及好爸爸。9月10日是許紹雄與老婆的25週年銀婚，前日他更於社交網站上張貼了慶祝結婚紀念的照片。網友說許紹雄在ig放閃很浪漫，不過他接受《香港01》訪問：「浪漫呢方面我做得好少，我唔識氹人，呢方面我好失敗，我自認失敗.....」

在螢幕上許紹雄活靈活現，生鬼有趣，但現實中他是傳統中國男人，不懂浪漫，為太太製造驚喜，談起這個25週年的銀婚紀念，原來許太居功至偉，他說：「其實好多年都唔記得㗎。我真係好失敗，有時做起嘢上嚟就唔記得。總之浪漫嗰啲，各方面我說係一個失敗者。」
拍拖、結婚紀念日，男人最易忘記，許紹雄亦一樣，他說：「過咗咪記得囉，咁咪『賴嘢』囉，哈哈....(唔記得個結婚週年咁點算?)冇嘢㗎，可能佢慣咗囉，哈哈哈。」如果大家的女朋友、太太，好似許太那麼大方就好，不過去年這個時候，許太突然對他說：「出年唔好唔記得喇！」

「正如做戲一樣，上心咪記得囉。」所以，由上年開始他就每天提醒自己，將「結婚２５週年」這事記了一年，真到上星期，他和老婆、女兒一齊慶祝吃晚飯，沒有大排筵席，因為心意才是最重要，許紹雄憶述老婆反應，他說：「我老婆話「你終於記得喇?」」，簡單一句更勝任何情話。
許紹雄表示，他與太太的感情始於朋友之間的聚會，及後經過一段日子之後才慢慢的開始拍拖，相戀8到10年之後才結婚。由相識到拍拖結婚再到現在銀婚紀念，都差不多有35年，說到婚姻及太太時，他說：「工作又好，婚姻又好，我覺得好多嘢個天安排好曬，娶到佢其實係我夠運。」

 

除了太太，許紹雄與１９歲女兒亦關係密切，閒時更會一起行街睇戲食飯，他說：「我覺得個囡黐唔黐家，呢樣嘢係天生。平時佢問我去唔去睇戲.我得閒咪一齊去囉。佢都係啱啱星加坡遊學交流半年返嚟，我哋之前食飯都係喺星加坡食嘅。」
其實婚姻生活，又唔一定要似「電影劇」咁浪漫刺激嘅，細水長流反而更加好。就如許紹雄一樣，簡單的一家人一起慶祝結婚紀念和專程到星加坡食飯就能了解到。