高海寧真係做返自己　神還原《恐懼鬥室》中木偶「SAW」

一年容易又中秋，中秋除咗食月餅之外，亦代表住十月萬聖節就嚟到，其他國家就可能逐家逐戶玩「Trick or treat」，但我哋香港就梗係去海洋公園玩哈囉喂啦，唔玩過鬼屋點算叫過萬聖節㗎！年年香港都搞哈囉喂，一年比一年貴，鬼屋又年年都差唔多，真係越嚟越唔吸引人。

所以今年海洋公園就搞搞新意思，年年搵羅蘭姐做聾婆就梗㗎喇，今年竟然仲搵埋高海寧做宣傳？萬聖節係要嚇鬼唔係鬥性感喎，唔通高Ling扮《恐懼鬥室》入面個木偶「SAW」？

大家最期待的畫面出現了，今次高Ling真係Cosplay「SAW」啊！之前大家成日因為高Ling面尖尖，顴骨高話佢似SAW，今年海洋公園主打《恐懼鬥室》電影主題鬼屋，竟然真係搵到本地薑高Ling做宣傳，一身性感護士裝，再加上經典木偶裝，完全係神還原，就連羅蘭姐都唔夠佢嚟！她今日亦喺Facebook上載照片寫道：「Hi! I'm Ko Ling. Nice to meet you!」，如果佢係講「I want to play a game」就真係不得了！