【同盟】綠葉王羅樂林踩四劇唔使休息：有得落九龍城行吓就好開心
《香港01》率先披露超級綠葉好戲王羅樂王原來為了拍劇，竟然四日無瞓過，事關那段時期他同時接拍了四部劇集，分別是《踩過界》、《天命》、《同盟》和《愛．回家之開心速遞》。這段經歷一說出口，立即引爆不少網民的同理心，紛紛覺得TVB這樣對一個已經68歲的老人家太苛刻，雖然羅樂林十分專業，但都應該照顧老仔家身體。
今日(5日)羅樂林再次接受《香港01》訪問時說：「做得電視一定係咁㗎喇，你預咗，我諗呢樣嘢係我嘅心理質素，我一係唔接，一接就要做到好盡，全行都知我呢樣嘢，除非真係病到要睇醫生或者有咩大件事，如果唔係我都會繼續。因為我有一個心理預備就係做得呢行，我接得就要做，因為始終都要拍完㗎嘛，接得我就唔會呻。當然我都希望公司可以安排好啲，其實有唔少人好似我咁嘅年紀或者仲大啲，如果能夠安排時間好啲，等佢哋唔使咁夜就最好喇。當然我都知我有時製作方面係好難去就，我哋演員都會明白。而家我都keep住拍劇，不過公司應該都唔會要求我再疊（劇接劇）得咁緊要喇，而家我拍緊《愛·回家之開心速遞》同《跳躍生命線》，兩套都係時裝劇，無咁辛苦。」講真，就算一個演員任勞任怨，作為一間公司都應該為他安排合理的工作時間，咁先係人道，難道TVB已經無人材到這個地步？
返工已經辛苦，原來返到屋企羅樂林會用煮飯去放鬆自己，而且原來全家人只有他會煮飯，如果他開工無時間，屋企就無飯食，他說：「我咁多年屋企就算連工人都係我煮飯俾佢食，如果我要開工佢哋就要食飯盒喇。我煮飯煮咗四十幾五十年，買菜又係咁多年，呢樣嘢變咗我嘅興趣同運動。你諗吓廚房喺呢個天氣之下係幾咁熱，我個囡有時都會問我點解唔開冷氣，我話我唔鍾意，因為我想出汗，其實做嘢之餘你都可以當係運動嘅一部分。（會唔會學鼎爺做飲食節目？）唔得喇，鼎爺嗰啲佢真係識得啲上得枱嘅食譜，我真係唔得。我行街市嗰陣都唔少人叫我學吓鼎爺，我知我唔得，我剩係煮家庭小菜。同埋我煮飯係好煩架，我煮三四個菜可以整成個晏晝，因為我洗菜會逐葉洗，要擺到整整齊齊，雖然炒嗰陣都係炒埋一疊，如果我拎呢樣嘢嚟搵食，我一定搵唔到食。」
講開返工，羅樂林原來已經好耐無放過假，不過個個放假，唔通個個都想放假咩，他表示：「講真喇，電視行業永遠都係咁，有一排你好會忙，劇接劇咁拍。但當完咗一部劇，另一部劇又未開始嘅時候，你可能都有時間可以抖下，都唔需要刻意去放假。當然我啲囡都成日叫我去吓旅行，放鬆吓，但唔知點解我係唔想離開香港，只要有時間俾我去九龍城行吓，買吓菜，夜晚出去同啲人飲吓嘢，我就好夠架喇。」唔知以後大家行過九龍城，會唔會專登望吓見唔見佢呢？