【踩過界】羅樂林唔會諗爭獎：有人記得我已經好開心
在早兩日的《踩過界》當中，飾演盲俠的王浩信與爸爸（羅樂林飾）的親情線引爆不少觀眾的淚腺，在劇中飾演患有漸凍人症角色的羅樂林更加被網民大讚演技超班，完全呈現出該病人的痛苦，更加力捧他做今年的視帝。《香港01》訪問羅樂林時，他就表示：「多謝佢哋喇，其實作為一個演員，任何角色都想做好佢。我有陣時行街經過，有啲街坊都話我呢個角色做得好，睇到喊晒口。因為我係第一次做呢類角色，所以我都用咗唔少時間去觀察，例如我有時會落街坐吓，我都會睇吓啲有肌肉萎縮嘅人係點樣。咁漸凍症呢個病其實就係肌肉不斷咁萎縮，不過個人係清醒嘅，但係就會不停咁衰退到死，唔受控制，其實真係好慘。」的確，漸凍人症暫時依然都是不治之症，有些病人過不了這種痛苦的生活，也可能會選擇劇中羅樂林的那條路，去瑞士安樂死。
做得如此迫真，相信都花了不少功夫去鑽研這個角色，而且拍時又要不停摹倣病患者，一定很辛苦，他說：「拍呢場戲係好辛苦，我本身係一個做開運動嘅人，要做到縮埋一嚿都唔容易。同埋要做到個感覺俾人覺得係控制唔到，好有難度，每一場戲我都要縮到好辛苦。同埋因為要拍得似，所以對腳都要屈得好勁，好容易拗柴，好彩都無事。拍呢幾集拍咗好耐，都拍咗成個幾月，呢段時間都好辛苦，因為有幾個劇組一齊開緊，《天命》、《同盟》同埋《愛．回家之開心速遞》。試過一日之內拍足4個劇組，三、四日都無瞓過覺，最多都係等埋位嗰陣合埋眼抖吓，不過都唔算啲咩喇，係我哋以前嗰個年代，1星期無瞓過都試過呀！」現年68歲的他還要這樣捱更抵夜拍劇，少一點堅持和熱誠都一定做不到，這一種專業真的很令人佩服。
在《2014年萬千星輝頒獎典禮》，獲得「專業演員大獎」顯然並未足夠肯定他的演技和付出，不過可能已經看透一切，他已經不會着重獎項：「唔會諗爭獎喇，呢個係公司嘅遊戲規則，唔到我話事，控制唔到嘅嘢唔去諗喇。好似當年《楚漢驕雄》入面我做范增都做得好好，都係無。又好似《大時代》入面做葉天，嗰陣我都唔識炒股都好努力去演，即使過咗廿幾三十年都仲有人記得，仲有共鳴，仲有街坊叫得出我個角色名，有人留意到我已經好開心喇。TVB頒獎咁多制度，我寧願有人落街同我打吓招呼就夠喇。」即使未曾獲得視帝、配角、我最喜愛乜乜這些獎項，不過在觀眾心目中，他的演技不會因為獎項已不受肯定，相反這個無冕之王，可能比現在的視帝更受人尊重。