【港姐2017】冠軍雷莊𠒇懶理Haters　回應King Jer：佢點諗就由佢

港姐2017冠軍就已經定咗，唔會有得改，不過雷莊𠒇(Juliette)勝出就令到網民好大反應，話Do姐點解會有兩票投俾佢，好唔公平。《香港01》立即找來Juliette問一問，佢話：「其實嗰一刻係難嘅，我哋果陣4比4，Do姐係校長，呢個係TVB嘅方法，我哋都控制唔到。我自己都覺得評審揀會好啲，因為如果係Audience（指網民）揀會好base on嗰表面，但TVB嘅人會知道我哋另外一面，所以我覺得由評審揀會專業啲。」

好多人立即為入唔到三甲嘅伍樂怡同只有亞軍的何依婷唔抵，驚唔驚嚟緊嘅日子會俾人覺得唔光彩呢？Juliette果然係鬼妹仔性格，睇得好開：「其實我就唔會諗好多，咁大個地球，無可能100％人人都鍾意架嘛，一定會有haters，我都唔會理佢哋架喇，我對自己有信心。」仲有King Jer喺Facebook上話今屆係近年最劣質嘅三甲，Juliette都話唔會理佢講乜，佢話：「呢個係佢嘅意見，佢諗就由佢諗，我自己嘅反應係做好自己就得，唔好俾佢影響到我。」