《踩過界》人狗情感人　王浩信：同分飾Golden的兩隻狗做到朋友

近期TVB劇集《同盟》同《踩過界》都算係好多人討論，劇中一班演員當然例必成為廣告商新寵。王浩信、胡定欣同鄭欣宜今午出席電訊公司活動時，就引來不少市民圍觀，個個都話：「王浩信好fit呀！胡定欣好靚呀！」人氣簡直係爆燈！

提到近日有報道指王浩信人氣急升劇接劇，搞到暑假都無時間陪囡囡外遊，被影到抽時間陪囡囡踩單車，王浩信就話，「係呀之後又要拍劇，而家趁比較少工作就盡量陪佢，同埋佢都就開學。」講返劇集《踩過界》，過去周末播出的一集被形容為催涙，因為王浩信飾演的「盲俠」同狗仔Golden之間的感情睇到不少人流淚，「唔知觀眾有無留意到其實Golden係由兩隻狗仔去飾演，一隻真係導盲犬，另一隻就係受過訓練嘅。佢地當時真係好聽話，做到朋友。我最想多謝剪接師，剪得真係好好。」

提到有網友指《踩過界》中盲俠於隧道受襲，與韓國電影《盲證》一樣，王浩信就話未聽過。提到即將接拍由林志華監製的劇集，王浩信透露要打拳，佢咁fit應該難佢唔到，「都唔係㗎，要上堂學下，同埋同劇有伍允龍，都係好打得。但邊個係女主角就未知。」