林志穎發現屋企有個寶藏 梳化背成地垃圾誰是兇手？
撰文：何志衡
出版：更新：
養兒育女雖然辛苦，但係有時都好多趣事，林志穎有個8歲大仔Kimi同一對歲半孖仔Jenson及Kyson。林志穎平日忙住賽車都會陪3個仔玩，微博好多家庭樂照片，不過林志穎一定好少打理屋企，因為佢竟然喺吸塵嘅時候發現咗「寶藏」。
林志穎喺屋企吸塵，點知一拉開張梳化，竟然藏滿一地雜物，啤牌、膠叉、橡筋、膠碟，連遙控器都有一個，場面都幾震撼！林志穎都話：「今天想說來吸個地吧，把沙發一拉開，我無言了，到底誰丟的？」好明顯嫌疑人有3個，但係林志穎應該冇教訓咁可愛嘅疑犯啦！
之不過呢件事令網民好有共鳴，留言話自己都遇過呢個情況，有啲更試過返到公司至發現手袋多咗個奶樽同遙控器，非常搞笑！
睇番林志穎啲家庭照，梳化後面被遺棄嘅遙控器竟然有出現過，大仔Kimi曾經攞住5個搖控器喺床上玩，其中一個就係受害遙控器，睇嚟Kimi對搖控器情有獨鍾喎！
+7