【開心速遞】演設計師色誘歐瑞偉　六合彩女神范文雅：想知有幾姣

說起范文雅這個名字，大家應該都頗陌生。不過如果說是六合彩小姐的話，就一定會有人記得是誰。昨晚(7月18日)這位「六合彩小姐」更加首度踏足《愛·回家之開心速遞》這部長線劇集，飾演一個設計師去色誘歐瑞偉，正確點來說是又姣到又靚女的時裝設計師。劇集一出，唔少網民已經即刻上網問這位演員是誰，更說范文雅好姣好正。

望一望范文雅(Aliya)個入行歷史，其實演出又真係唔多。她由2010年參加墨爾本華裔小姐，順利嬴得冠軍(仲有最上鏡小姐、慈善小姐 、網上最受歡迎佳麗和夏日清爽大使)，之後參選2012年香港國際中華小姐的成績也不俗，成為了最後十強，同年更加簽約TVB做藝員。澳洲讀風險管理碩士畢業的她，本來是與家人在澳洲生活，在銀行做顧客服務主任。但是她卻選擇隻身一人由澳洲至香港入行。范文雅：「冇人冇物冇朋友，一切由零開始真係唔容易。」
入行第4年，轉眼已經31歲，現在才開始比較多幕前機會及多人認識，都總算是一個好開始。

照道理，華姐出身的范文雅進入TVB大家庭之後應該會好似的張曦雯、岑麗香一樣拍下劇。不過對照以住慣例，新入行的通常會放返3、4年先開始拍劇。范文雅接受《香港01》訪問時回答說：「我覺得呢幾件都係一個過程。你話叫我一開始就嚟香港同埋加入TVB嗰時就做呢個角色(COCO)，我諗我都未必handle(應付)到。呢幾件係唔同部門其實都學到好多嘢，都係train自己嘅一個過程。我覺得呢個(過程)係每個人都必經。」2012年入行，除了之前《3日2夜》澳洲篇有人提過下之外，范文雅在普通人眼中的真係冇乜存在感。

或者是范文雅(Ayali)自己的宅女性格影響，起初2件真的是沒甚麼拍劇入屋的機會。范文雅：「我都算宅女性格㗎。一開始嗰1年啱啱加入TVB嘅時候朋友唔多。因為我係住喺將軍澳，所以以前生活基本就係將軍澳去電視城，電視城去將軍澳，生活就係喺將軍澳，未出過去。我啲friend同同事都講笑話咁話：帶我衝出油尖旺。」還好這1年起，范文雅的工作也越來越多。

好多人都有個誤解，認為港姐、華姐出身，就一定會偏向「扮到靚一靚咁」拍劇做節目。不過范文雅想法又比較另類：「其實我好鍾意挑戰一啲特別嘅角色，例如好似尋晚嗰集咁，小三、潑婦。」即係大家口中俗稱的丑角，二打六。范文雅：「好多人都以為我人如其名，個人好文雅。拍劇會做一啲好斯文嘅角色，其實我唔係囉。即係好似尋晚嗰集咁，好姣㗎嘛，我就好想知道自己可以姣到去邊。網民留言話：『你真係姣到出汁。』咁我都覺得開心嘅，因為自己做到入型入格。之前做過怪獸家長，我出到街真係俾人當咗係怪獸家長。其實呢個都係對我一種鼓勵。」