【杜汶澤食住上】Google搵毛舜筠會跟j字出　反問阿澤：你都有?

奇妙電視自從去年「奇妙地」申請到本地免費電視節目服務牌照後，節目量未及ViuTV或者大台TVB的製作，打開節目表又新聞性節目居多。前排開台時，更加非常多人表示網絡不在有線電視的範圍內而「追唔到台」。少咗人睇，就自不然少咗收視。在眾多節目中，杜汶澤主持的《杜汶澤食住上》清談節目似乎算多人談論。

由5月20日起至8月5日(眨下眼就睇曬)，《杜汶澤食住上》一共播出12集。而第12集壓軸嘉賓就是人稱「Mo姐」的毛舜筠。毛舜筠與杜汶澤其實於電影圈中相識，節目更細談了2人在圈中的點滴。不過世事嘅嘢邊有咁簡單，話明係杜汶澤主持，佢邊會咁輕易放過啲嘉賓，係咪先？
節目中尾段，杜汶澤拿出了手機就說道：「即係人生，有咩重要呢？就係睇個google。」鏡頭更加有半秒毛舜筠的鏡頭輕輕帶過(明顯地睇到Mo姐不知所措的表情)。之後阿澤接著說：「google佢會顯示你一生入面最大嘅成就係咩嘢。」再接著阿澤在google上打上毛舜筠，就出現了「毛舜筠 J」、「毛舜筠 張國榮」、「毛舜筠 女兒」、「毛舜筠 周星馳」等字眼。

節目中，阿澤就問Mo姐：「你知唔知咩叫『毛舜筠 J』吖？」Mo姐一臉好奇的回答就：「咩吖，我唔知喎。」說到這邊，可能有部分人不明白這裡說的「Ｊ」的意思，而杜汶澤也有在節目中解釋：「J圖即係後生入去搵女星嘅J圖。」這個時候毛舜筠還是不太明白：「咩叫J圖，一定唔係好嘢啦。」(杜：唔係，係好嘢嚟㗎。好健康，唔會騷擾妳㗎。)
之後，就當然係杜汶澤講返個J字嘅解釋啦。根據杜汶澤的「官方」解釋，「Ｊ圖」即是：「後生仔上網搵女星啲相。自己一個人孤伶伶嘅時候，就將自己嘅愛意向對方表達出嚟，但係對方就唔知嘅。」先前都不太明白何為「毛舜筠 J」的毛姐，現在才開始明白箇中含意。她一手拿著香檳一邊說：「你都有個J字?杜汶澤後面有冇J？」(杜：我邊有人J喎。)

解釋完之後，毛舜筠理解到「誘人」就是J的意思。意思就相近了，不過還不能完全解釋的J的真正含意。大家留意，毛舜筠全盛時期嘅相，真係好靚女，話曬都係「一代女神」，演過《紅樓夢》中飾演林黛玉，又曾經是張國榮的女朋友㗎！

毛舜筠部分22分開始，40分開始「毛舜筠 J」部分。