《少年四大名捕》重播揭刪戲疑案　監製林志華：冇考慮演員問題

最近午間劇場重播《少年四大名捕》，這部可謂當年的神劇，皆因集合了當時最火紅的小生，有林峯、吳卓羲、馬國明、陳鍵鋒，是繼《衝上雲霄》之後再現「無線新五虎」，再度被重播當然個個都很期待。但就有網民爆料指原來當年的《少》是被刪剪版本，海外版才是完整Version，有人就指出因為要趕結局埋尾，大量刪減了陳鍵鋒的戲份，莫非跟之前陳鍵鋒與大台的小風波有關？

我們找來該劇監製為大家解畫，他表示很感謝大家到現在依然關注《少》，而講到刪剪事宜，他直認是有臨時Cut戲，回憶道：「香港版本比海外版本短，係因為我收到公司嘅指示要縮短集數，因為排播檔期問題要縮短集，咁我取捨嘅時候，係根據劇情嘅連貫性同流暢去處理，並冇去考慮個別演員嘅問題。」而另一方面，問到有份拍《少》的李施嬅，她更沒有發現到劇集被則剪過：「冇發覺少咗集，其實都咁多年前，印象中就唔覺得CUT咗任何嘢。」看來林監製的「靚Cut」完全沒痕跡，只有忠實粉絲才發現到蛛絲馬跡。

講起陳鍵鋒，幾年前因為不願意跟大台簽包薪藝員約，有傳因此而不受力捧，改為主力捧林峯和吳卓羲，對於這個說法林監製就覺得舊事不需記，他說：「件事咁耐，大家再拎出嚟講就out喇。」而講起當年的「四虎」，他大讚四個小生都相當配合，大家的演投都不相伯仲，他還點名大讚林峯：「佢哋呢四個人比當時更紅，更多人注意，再搵佢地四個一齊拍呢套劇真係好難喇，冇刻意點去分配佢哋嘅戲份。好老實，林峰係最快投入套戲，佢全套劇坐輪椅，好快就將跛嘅人嘅優點同缺點畀大家睇到。」

好友李施嬅更為鍵鋒平反，反駁鍵鋒不被重用的謠傳，她說：「我印象中果時其實小生花旦都幾多，所以陳鍵鋒以一個冇簽公司management可以做到主角都幾犀利，算都幾被公司重視，因為唔係幾多人冇簽到又可以做到主角嘅位置，所以我唔覺得公司係唔捧佢。」她又解釋道其實通常拍劇的時候，多數會拍得比出街的版本多很多，比如說一集戲是一個小時，他們會花很多時間拍一集，再剪成一個鐘版本，剪短劇集是常事，至於個隱藏集數，看來應該係不存在啦。