【究竟邊個坐時光機】潘瑋柏新歌抄Highlight？ 副歌極高還原度
撰文：黃朗鈞
出版：更新：
最近在《中國有嘻哈》擔當導師的潘瑋柏紅爆全城，但自從三年前的《王者丑生》專輯後，足足三年再沒有發新專輯，終於在上星期，潘帥推出新專輯《illi 異類》，諗住食硬《中國有嘻哈》個勢，今次仲唔大賣，點知被人踢爆，他的新歌《失眠》副歌旋律與韓國男團「Highlight」成員龍俊亨2014年創作的曲子相似度極高，睇嚟潘瑋柏今次凶多吉少喇。
新歌《失眠》是由潘瑋柏和房振剛共同作曲，一眾網友聽完之後發現，部分副歌與龍俊亨2014在韓綜《show time》第4集的自創曲非常相近。見到偶像被抹黑，潘瑋柏的粉絲紛紛護航話，抄歌果個一定係房振剛，依個姓房的過去就有好多次抄襲的爭議，今次他又被踢爆抄襲，仲唔係他衰！而且粉絲們仲見到房振剛IG度有關注晒Highlight成員，今鋪他真係水洗都唔清。
其實Highlight作的歌認真唔錯，因為他們都唔係第一次被人抄，較早之前胡睿兒與楊琳組成的嘻哈團體「Under Lover」的歌曲《飛翔》，都被指勁似BEAST的歌曲《Ribbon》及《12:30》，足以見證Highlight的實力。假如Highlight經紀公司確認潘瑋柏新曲抄襲屬實，潘帥有機會被要求將《失眠》下架，或者買返版權，兩者都唔係一個好的解決方法呀，希望他能與龍俊亨本人一同解決。潘瑋柏早前在微博寫道：「昨晚開開心心結束簽唱會，心情好的比平常早入眠。一起來....打開手機....我震驚了...我會理智的儘快了解查證此事，因為我也需要個答案。」