十八年綠葉慘遭無綫減薪　大口九葉暐無奈離巢：繼續落去都無意思

合則來不合則去，尤其是在無綫這個大工廠，不時都會聽到有那些人入，那些人走。離去的人可能是有更好的出路，有可能因為一直都得不到自己想要的東西，但也有可能是被迫離開。在十年前因飾演《十兄弟》大口九而成名的葉暐(Adam)，在無綫打拼搏了十八年，但令人比較深刻的角色可能就只有這一個。或者有留意《星夢傳奇》的觀眾，會記得他曾經的深情演唱，可惜最後五強不入。今日傳出消息指他已經離開無綫尋求新發展，原因是因為公司減佢人工。

第14期藝員訓練班出身的葉暐(Adam)，同期同學有馬國明、吳卓羲、黃子恆等人，加入公司以來大都是不起眼的配角或者跑龍套，未必會有好多人記得他的名字。在接受《香港01》訪問時，Adam解釋為什麼會離開公司，他說：「係因為公司減我人工，其實就好似之前葉翠翠嘅例子咁。本身我仲有兩年約，不過人工減咗之後我都係決定唔再繼續，因為如果人工減咗我係有權去cut，如果offer唔變公司先有主導權。其實咩原因減咗我都唔知，都減咗成3份1，你都知TVB人工咩事架喇，本身份糧其實都唔夠使，要靠屋企人支持。同事聽到呢個消息都好驚訝，我話無辦法喇，做咗十八年，咁樣減人工繼續落去都無意思，我又唔係新人。」想不到為TVB服務了十八年，雖然未至於不被續約，但減人工也算變相迫一個員工走人吧？

始終在TVB這麼多年，對公司一定會有相當的感情，Adam會否覺得公司有點不近人情呢？他沒有記恨TVB，反而看得很開，他說：「不如咁講，其實每個機構都會發生呢啲事情，雖然真正原因我唔知，不過所有公司都係睇你個價值，如果公司角度覺得你係貶緊值嘅咪會減你人工。我地藝人呢行好睇天時地利人和，好似展鵬同定欣呢期當紅咁，做得好嘅，咪可以繼續留低。我無嬲到公司，只係有唔開心，公司亦都無炒我，佢有俾時間我去考慮，始終都做咗十八年喇，其實係有啲失落。之後都會繼續拍嘢，因為都識落唔少朋友係拍開嘢，亦有可能返上大陸發展。」正所謂「此地不留人，我去搵真銀」，離開一個多年的圈子，出去尋求新發展的確不是容易的事，但不試過又怎知道有沒有新轉機？正如他在訪問中說過這個行業甚麼都有可能，或者他朝TVB會想繼續跟他合作，又或者得到其他公司的賞識，希望Adam在之後發展會一帆風順！