陳煒上節目為前夫解畫　傳偷食原來係食死貓：報導中嘅女仔我都識

早前有雜誌報導陳煒婚變新聞，才揭破煒哥原來跟富商老公顏志行已離婚５年，二人性格不合分開本來天經地義，但網民就對煒哥人前扮恩愛有點意見，尤其上年她主持《煒哥的味道》，更邀請老公任嘉賓，二人在節目中一齊煮餸、互餵，非常甜蜜，好多網民覺得她當時在講大話。

陳煒日前(9日)接受《娛樂直播》訪問，親自解釋婚變，她說：「５年前其實已同先生離婚，而報導中嗰位女士我都認識，絕對唔係報導中所講嘅事，冇任何關係，佢哋有自己共同嘅朋友，咁啱嗰個朋友就結婚，分別請咗佢哋去飲，所以佢哋先至喺同一時空出現啫。」煒哥亦為被指在《煒哥的味道》中扮恩愛一事道歉，她說：「....因為佢對拍攝好有興趣，對食材亦好有認識，佢當時提出話探我班，話想體驗下，我邀請佢，佢亦好樂意地幫忙出鏡，當時都有諗過好唔好呢......如果大家覺得我隱瞞嘅，咁我講聲唔好意思。」