【同盟】陳山聰長跑為操fit　CrazyRunner挑戰馬拉松：想搞慈善跑

陳山聰往往在劇集中「奸人」，今次在《同盟》中終於可以唔再「奸」，而係飾演一位正氣，孝順又好打嘅角色令千佑，佢直言因為跑步令他覺得「無嘢係唔得」，所以拍今次在劇中全部動作戲都係親身上陣，「最記得一打10，兩部機一齊roll ，雖然ng了幾次，但聽到最後郭追師傅(武術指導)話ok，嗰下覺得自己係李小龍上身，好有滿足感。」
攝影：黃國立
場地：PorterHouse

四年前，陳山聰就重拾跑步習慣，當初他跑步是為了重返幕前工作，「因為我想返返去最fit嘅狀態，所以就開始跑步。其實我一向都有跑開，只係大家無留意。」其後山聰越跑越愛，仲同圈中好友包括胡定欣、袁偉豪、李施嬅、姚子羚、黃智雯、胡蓓蔚及胡諾言等組成「Crazy Runner」，其後更拉大隊挑戰跑馬拉松，他直言完全無諗過會熱愛到咁，「我地現在都有計畫之後可以搞一個慈善跑活動，集合一大班跑步愛好者一齊為慈善出一份力。」原來唔止香港有「Crazy Runner」，連澳門都有隊，而成員大部分都是山聰在澳門嘅朋友及其哥哥，他直言哥哥對他實在太重要，所以現時無論係跑步定去旅行都會預埋對方一份，「哥哥對我黎講好重要，我一向同佢感情最好，尤其係爸爸過身之後，當我係仔咁。佢係集阿哥，朋友，爸爸 3嗰身份係度，雖然佢係澳門，但我地經常會見面。」

山聰指當年與超雲分手後，外界封佢為他當時「四失」（失女、失錢、失形象、失事業），佢直言當時有過一段十分短暫嘅時期無出現在幕前，「當時係有幫哥哥手，有好多人都以為我無工開，但其實係有啲私人嘅工作嘅。」而他現時除了做演員外，亦有副業都是由哥哥打理，「我係負責投資，action嗰下全力交俾哥哥，佢有好多諗法，所以佢話點就點。」