【同盟】姚子羚貼身短裙電梯激吻陳山聰　監製文偉鴻：係土地問題

《同盟》出街數日，姚子羚在劇中的造型性感，少不免成為了焦點。前日她與陳山聰激吻的一幕，就引起不少男Fans妒忌，表示：「我都想做陳山聰！」可惜得個想字，加上陳山聰亦預告了昨晚會再有親熱場面，心血少點都不行。

昨晚那集前前後後都有不少亮點。先有胡定欣偷偷在陳展鵬的家裝閉路電視，後來被男方發現，潛入胡定欣的家，然後就開始對打肉搏，兩人打到啪啪聲（骨頭方面），其後又咬又綁，最後仲打到除埋衫，最後胡定欣仲一嘢坐落去，看電視的時候，睇到好緊張。原來這個場幕，拍到定欣與陳展鵬受晒傷。

之後等到尾段，陳山聰與姚子羚終於可以食餐飯，不過食飯都要忙住講公事，真是都市戀人的悲哀。後來離開時搭升降機，終於可以享受二人世界，兼且無喇喇困Lift，姚子羚一句：「呢個時候唔係應該好好享受下咩？」兩人就開始趁機激吻，錫到脫去外套，貌似好熱。最後有管理員打開升降機門，發生兩人還在激吻連連。被人發現在親熱，都咪話唔尷尬，姚子羚拖住陳山聰霸氣離場，最補多句：「呢排好多火呀！快啲諗方法幫我降溫喇！」處變不驚，各位情侶可以參考下！而文偉鴻在facebook笑言：「錫錫都冇地方，好明顯係土地問題」好似講中唔少人心聲。接著今晚將會再有惹火場面，就是胡定欣與陳展鵬共浴，大家想就留意下。