【BigBoys歷險記】司徒法正系對家? 龍哥:捉咩鬼嚟做咩先!

撰文:郭敏玲
出版:更新:

龍哥在《Big Boys歷險記》「乾坤一開」,打開了名堂,引起了網民廣泛討論。上回講到,龍哥在Big Big Channel快人快語,疑似自爆畀錢監製,一集兩萬四集八萬,為的是要揚名立萬。除此之外,很多網民都問龍哥不少關於捉鬼的問題,多話講的龍哥,幾次有意無意地講起「對家」司徒法正。
提起捉鬼,龍哥帶點囂張,面對鏡頭表示:「我呢啲唔系捉鬼,而系同鬼講數,講到數佢咪走囉,講唔到佢走咪適隨尊便囉,好好哋做咩要捉鬼呢?捉只鬼返嚟做咩先?要捉鬼咪揾司徒乜正囉!」旁人聽到又哈哈大笑,龍哥續道:「我唔系話人唔好呀!如果你有咁嘅需要咪去揾佢囉!」其實龍哥在言談中,似乎有暗示司徒法正是他對家,他說:「導演問我做唔做《歷險記》呀?你唔做嘅我就揾司徒乜乜㗎喇!咁我幾大都應承喇…」如果再承接之後「畀錢監製」的說法就……
後來有網民就問龍哥:「司徒法正定龍哥勁啲?」龍哥瞇瞇嘴笑說:「我諗我勁佢30幾倍左右喇…其實都唔繫好勁㗎咋,勁100倍來講得30倍…」記者後來就有致電司徒法正,但未有回覆。而龍哥在整個直播中笑談風生,態度輕鬆,他一番言論真定假,為搞氣氛搞笑下?真是隻有他本人最清楚。
+4