【環保公敵】船P男女互掟彩粉好冇品　歐鎧淳：盡量玩啲處理到嘅

炎炎夏日，約埋一班好友開船P，玩下水上活動，一個字「爽」呀。但近日網上瘋傳一班年青男女，帶埋彩粉上船開P，紫紅黃藍顏色應有盡有，之後當然是來一次彩粉大戰，在相中見到這班男女，在大型水泡浮床上，互相拋擲彩粉包，一時間漫天也是五顏六色的彩粉，不但他們由頭到腳都染上顏色，而彩粉亦無可避免地飄散入海，毫無環保意識。

事件在網上瘋傳後，隨即被網民聲討欠缺環保意識，污染海洋，而有份出席船P的男女，卻堅稱彩粉無害，反指網民是小學雞，未問清楚就環保戰士上身，其中一位有份去船P的男士留言表示「買彩粉時都買粟米粉mix食用天然植物色素嘅粉，安全到人都可以食，而且問清楚唔用高壓噴槍射和明火，一定唔會發生塵爆，如果要比呢啲粉更唔污染海洋，除非妳唔洗碗、唔大小二便、唔洗手啦」，其後更建議網民如果要Post相，麻煩Post張他谷了肌的圖，囂張言論，完全無懼網民對他的指控。

至於其中一名出席船P的短髮少女，更被網民起底，原來是私影模特兒Copy Lo，他稱自己其實是被人擺上枱。Copy接受《香港01》訪問，「我唔知佢哋帶(彩粉)上船玩，都冇參與，當日我係度同男朋友facetime緊，唔知佢地玩呢啲。(為何不阻止同船朋友玩彩粉？)我都係睇佢哋出Po先知，我自己冇玩，因為我皮膚過敏，唔會接觸呢啲嘢。」Copy堅稱自己無辜，但要說人在船上，卻對其他人玩彩粉全不知情，卻難以令人信服。

這些彩粉會否影響海洋生物，還是未知之數，但卻會令海中的能見度降低，甚至影響到水質。香港女飛魚，游泳運動員歐鎧淳，除了在泳池練水外，亦愛到海灘暢泳，她知悉船P彩粉事件後，她表示「首先要睇下啲粉有冇害處，正常都係一啲化學物品啦，落到海一定唔係好，不過我都唔知啲粉嘅成分，可唔可以分解？最緊要係對生態冇影響，要尊重大自然，呢樣嘢係最基本嘅。(妳建議大家唔好在海上玩彩粉？)要盡量玩啲處理到嘅嘢囉，行山都會執走啲垃圾，執得走啲粉先至好去玩。大家要清除囉，要諗一個方法去解決。如果佢哋可以咁犀利搵到方法清除，佢哋可以玩囉。」其實出海大把嘢玩啦，何必一定要玩有機會污染洋海的彩粉呢？大家都是地球一份子，謹記要環保呀。