《寵物》原來係Paco欽點唱 小肥：佢係我第二個老竇
「淪為行過寵物，貓狗了解我的悽慘」想不到小肥2007年的作品《寵物》，事隔10年後出現在TVB節目《流行經典50年》。身為90後的筆者都不禁慨嘆，原來這首歌陪伴大家那麼久。不少網民聽到後，都充滿了共鳴，大讚小肥唱功比同期的歌手好，唱得夠穩陣；同時都為小肥感到可惜，既然有好唱功，卻只紅歌不紅人。
記者致電過小肥，他對網友反應如此熱烈，為此感到開心，「心頭都有一點甜」。他表示有聽過「紅歌不紅人」的說法，不過小肥都非常樂觀及正面，笑說：「紅歌唔紅人，都好過連首歌都唔紅吖。起碼其他人聽到呢首歌，唔會講到口邊都唔知邊個唱。」《寵物》一曲在2007年爆紅，對小肥來說已沒有遺憾，還產生了連鎖效應：「唔會真係紅唔到個人，一定會有牽連性，令到大家認得我，又帶到商機，到今時今日搵我唱歌，都要指定唱寵物喇。如果真係唔紅個人，係呢個汰弱留強嘅香港樂壇，我都一早畀人淘汰咗，但到而家我都仲有Budget去做新歌，做到自己鍾意嘅嘢，我諗都唔係大家諗到咁悲觀，加上我自己份人都好正面，而家做音樂過到生活，我都好開心。」如果真的要說遺憾，就只有：「大家都剩係記得《寵物》呢首歌。」
除了《寵物》，小肥還有其他hit歌，例如第一首派台歌《有情有義》、巴打必聽的《高登歌》，還有點撃率勁過周杰倫、五月天同名的《時光機》，對小肥來說，他直言：「都唔算只紅一首吖。」而10年後的小肥，其實都有一直做歌，不過似乎沒有太多人知道：「有時喺街都會有人走過嚟同我講：『小肥你首寵物好好聽呀！幾時再出新歌呀？』但其實我都有出到新歌㗎！」就在6日前，他的youtube才上載了新歌《內外》，他希望：「而家都會做下live，希望個個月都出到歌，如果個like數ok，我已經好開心，好甜㗎喇。」樂觀的小肥向來都沒有與他人做比較，也不會有不想唱的一天：「我鍾意做嘅，就會keep住做，都唔會有一日話唔唱。」
《寵物》的意義重大，小肥就話一定要多謝他的前經理人Paco：「係佢收到隻歌之後，一定要畀我唱，真係好多謝佢。」小肥形容Paco，就好似「第二個老竇」：「當初係佢執我返嚟，佢有留意到我，當時我就係澳門，就想簽我做歌手。澳門人一向都係安於現狀，其實我都唔例外，當時就有問過其他人，咁樣係咪真係好？朋友嘅反應都係話：『梗係好喇！又唔係簽好耐！』之後就好喇，就簽咗5年。」小肥與Paco友好的程度，有外界就傳因為小肥的命格旺Paco，所以不論如何，Paco都會一手提攜他。小肥笑說：「有啲咁嘅事？我唔知喎！不過佢咁支持，一手帶我係真嘅。之前有幾次續約，大家都唔會再講啲咩，都係直接簽，一切都係講個信字。我同Paco嘅感情，一直都會記得，之前金牌有啲人事變動，我都有同佢食飯，再到我走，佢都有搵我。到而家唔能夠再跟Paco，係唔捨得，但大家有更好嘅方向，大家都開心。」
小肥除了唱歌，還與幾位朋友開了製作公司「棋人娛樂製作(澳門)」，持續有生意，所以小肥的生活不錯：「一嚟唱歌，都仲係做緊我鍾意嘅嘢；二來開公司，係澳門有生意。」他還講笑：「而家都算壟斷咗成個澳門市場㗎！哈哈」這樣說來，小肥算是半個老闆，對他來說：「都好ok㗎喇。」