雲浩影早前被指與著名唱片監製T-Ma（馬敬恆）撻著，今日（13日）她出席時裝品牌活動時，承認雙方了解中，希望大家給予空間。

雲浩影大讚T-Ma細心、又懂得照顧別人，至於明天情人節會否一齊過，她說：「應該會食個飯，開心嘅，希望大家支持。」雲浩影表示新年未有邀T-Ma到家中拜年，而自己亦與家人以「了解中，畀啲空間」解釋二人關係。

雲浩影預告今年有作品由T-Ma馬敬恆負責，亦有一齊寫歌。「但因為大家對音樂上有堅持，所以都有爭吵、討論。（邊個會讓步？）有讓有唔讓，始終角色唔同，監製令歌手開心之餘，作品亦要有品質保證。」雲浩影又指他公私分明，不會因與自己關係而鬆手。