張繼聰抱囡囡睇《失戀日》　張靖見父被斬肉緊大嗌：爸爸、爸爸

相信好多家長陪小朋友睇電視﹑電影都係選擇一些益智節目或卡通片嚟睇。不過張繼聰這個爸爸就與眾不同，竟然畀囡囡睇《失戀日》這部列為「IIB」級的電影，相信他都知道即代表青少年及兒童不宜睇嘅，不過他就一於少理，真係名副其實的搞鬼爸爸啊！

自從誕下女兒張靖以來，張繼聰就有女萬事足，不時在社交網站分享與女兒的生活點滴。昨晚他又上傳一則抱住五個月大的女兒張靖齊齊睇返自己同鄧麗欣主演的電影《失戀日》。張靖一邊睇一邊咿咿吖吖，非常可愛。不過當電影播到一段張繼聰被李嘉追殺，搞到成身血傷時，張靖就睇到好肉緊仲皺晒眉頭，一直叫出：「爸爸，爸爸～」，畫面十分有愛。而張繼聰亦開心留言：「依位女觀眾睇到好投入。拍攝依幕嘅時候，又熱又攰又打到周身痛，爸爸一諗住係媽媽肚裏面嘅你，就充滿力量一眨眼，你就陪住我一齊睇依一幕。」好溫馨呀！

這一幕既可愛又溫馨除了吸引不少網友大讚之外，就連不少圈中好友都忍不住留言，就好似《失戀日》的導演葉念琛都話張靖：「细個已經咁有品味」；靚媽楊千嬅則大讚：「so sweet！」其後張繼聰立即回覆：「你有冇試過同仔仔一齊睇餃子」搞到千嬅都呆一呆：「係咪玩嘢先」，其實都係嘅因為《餃子》絕對比《失戀日》更恐怖同血腥，又點會畀仔仔睇呢？張繼聰見狀後都立即補鑊：「sorry sorry ，咁行運超人啦」，二人的對話十分搞笑。不過，睇到張繼聰這個行徑就知道他是一位幾特別的爸爸，盡顯自己搞怪一面。