連林鄭都追韓星　去《SM TOWN》一張自拍集齊六大韓團葡萄死粉絲

昨晚在紅館舉行的《SMTOWN SPECIAL STAGE IN HONG KONG》，有超多韓星來港，吸引了不少粉絲入場。韓星吸引的程度，上自八十，下自三歲都被他們迷倒。就連特首林鄭月娥都要到來到紅館追星打卡，集個郵留個念，就知道他們的魅力有幾勁。從林鄭的打卡照所見，在林建岳陪同下，由Super Junior的銀赫揸機，就咁睇都睇到林鄭少女心滿瀉，舉起港女十式第二式V字手，真係未見過佢咁迷妹的一面。而呢張相都幾勁，除了Super Junior銀赫之外，還集合了f(x) Luna、SHINee珉豪、Red Velvet Yeri、EXO Suho、NCT泰容及NCT Johnny，真係一般fans都唔可以一次過集晒幾隊郵呀。

佢就係facebook post相，仲打埋韓文：「좋은 공연 해주셔서 너무 감사합니다 ! 好多謝您哋嚟香港表演 !」句韓文嘅意思都係多謝佢哋帶畀我哋咁好嘅演出。不過有傳林鄭去到坐低20分鐘左右，去到後台影張相打卡就走，夾埋只係出現咗30分鐘，唔知係咪真呢？