李施嬅今日（9日）在IG宣布「分」訊，與未婚夫車崇健（Anson Cha）正式分手，結束8年半的感情，令外間感到錯愕。

為保戀情，李施嬅過去甚少提及車崇健，不過有網友分析李施嬅去年分享的一段心靈雞湯，講述對愛情的睇法，疑似是已萌分手念頭。李施嬅於影片表示：「曾經有人同我講過，我淨係睇吓你揀咩人做你伴侶，就可以睇得出你有幾愛你自己。因為We only accept the love we think we deserve，即係話，我哋選擇嘅愛，通常都係我哋覺得自己值得擁有嘅愛，我哋點樣去判斷自己嘅價值。跟住佢就同我講喇，我覺得你值得擁有更加好。其實好多人都係，只要你願意提升自己睇自己嘅價值，愛自己多啲，You are allowed to accept better（你亦值得擁有更好）。」

李施嬅宣布「分」訊後，人在外地嘅車崇健未有轉載相關「分」訊，反而是分享與球星合照，似乎未因「分」訊而影響心情。