保錡曬與阿叻合照爆脫粉潮　林作表明屬好友身份力撐︰佢唔需要跪

ERROR成員保錡（Poki）日前在社交平台分享一張與「叻哥」陳百祥的合照，自居「Viutv叻仔」，寫道︰「很多網民稱呼我為Viutv叻仔，在演唱會中努力練習了一段時間《我至叻》一氣呵成Rap加唱，得到了叻哥本尊稱讚。叻仔 + 叻哥，終於能夠合照了。」合照一出，隨即引來部分網民不滿，甚至出現「脫粉潮」。林作昨日（7日）出席公開活動受訪就事件回應︰「保錡好朋友嚟嘅，大家都好friend嘅，娛樂圈可以欣賞嘅對象，佢係少有係幾正。」

保錡與陳百祥合照，自居「ViuTV叻仔」，引起脫粉風波，他之後將照片刪去。（IG@k_p0k1）

林作繼續指：「我覺得佢（保錡）喺呢單嘢上面，我認為佢唔需要跪同埋道歉，甚至喺個IG唔見咗幾日，唔想去理大家（日子）就過去，我覺得其實佢可以企得硬啲，當然我有同佢表達嘅，喺佢嘅角度有少少身不由己，因為佢係電視台藝人，會有佢嘅難度，喺佢嘅位置有可能啲選擇唔係佢自己，佢個人我就覺得冇問題，同一個前輩影相，即使有好多Hater都唔需要避忌佢，呢個角度只不過交朋友認識，唔需要太敏感。」