麥詩敏批深圳釣雞遊戲殘忍　小孩用磁石竿扯起雞仔掟：仲要頭落地

無綫前首席主播麥詩敏雖然已經離開主播崗位，但仍然非常有正義感，見到看不過眼的事，都忍不住發聲。日前她就分享一個在深圳市集見到的「釣雞遊戲」，她被玩法嚇親，並力斥殘忍！

麥詩敏曾是無綫超人氣主播，現時主力做KOL和主持。（IG@glorrrrr）

麥詩敏拍低了遊戲的畫面，只見有幾十隻雞仔被放在一個充氣池，周遭鋪了些疑似雞糧，小朋友就拿著釣竿，麥詩敏說：「從來冇見過咁多雞仔圍埋喺度俾人釣，雞仔嘅腳黐咗嚿磁石，小朋友一攝就可以釣佢哋上嚟，我覺得啲雞仔真係好慘，咁細隻，仲俾人咁暴力對待。」之後她將鏡頭拉近至其中一隻上釣小雞，只見小孩將小雞掉轉扯起扔進桶裡，小雞頭落地，麥詩敏感嘆：「之後好似仲可以攞返屋企，拎咗返屋企下場又點呢？我就覺得有啲殘忍，大家又覺得係殘忍定好玩呢？」

她開放投票畀網民投選到底是殘忍或好玩，大比數人認為「殘忍」。不過影片上載不久後，已有網民留言指相信很快短片就會消失，而其後此帖文亦確實已消失不見，未知是麥詩敏自己刪除，抑或因遊戲玩法殘忍被社交平台下架。