何猷君一家以VIP私人導覽遊東迪　全程免排每人只需多付4位數

何猷君同奚夢瑤用錢買時間，以VIP私人導覽暢遊東京。

何猷君與35歲內地超模奚夢瑤於2019年結婚，誕下一子一女Ronaldo及Romee。一家四口上月飛日本玩，先後去到大板環球影城同東京迪士尼玩，要知道東迪近年排隊情況十分誇張，單係排隊入園已經需要1小時以上，園區內每個遊戲亦100分鐘起跳，雖然可動用fast pass，但亦要付費。

不過以上問題，只要有錢就能解決，有網民在小紅書以「奚夢瑤值得擁有東迪VIP之旅」為題發帖，並分享何猷君一家四口聯同友人，於東迪內因使用VIP而全程暢通無阻，100分鐘起跳嘅遊戲項目變免排隊、花車巡遊獲安排最佳觀賞區、米奇俱樂部表演亦友第一排位置，到底呢個VIP之旅費用係幾多呢？

有小紅書友分享，只要在官網訂購東迪酒店，即可加購VIP私人導覽，條件係6人才能成團，每團費用約66萬日元（約3.3萬港元），唔計入場門票、酒店的話，每人平均額外多付5.5千港元，雖然VIP私人導覽只得6小時，但如果全程免排，又真係夠玩，起碼唔使天未光排隊等入場，未到中午已經要用意志去完成行程。