百億新抱南嫁香港豪門12年 農曆新年自信大曬廣東話流利又可愛
撰文:張寧兒
出版:更新:
「跳水皇后」郭晶晶2012年嫁給「百億富三代」霍啟剛,婚後育有一子兩女,至今已逾12個年頭。兩人拍拖8年,加上結婚,相處已有20年,依然甜蜜如初。郭晶晶婚後成為霍啟剛賢內助,不時會陪伴出席社交場合,對內亦照顧好家庭,近年亦陪先生拍煮食片增加曝光,非常賢惠,而郭晶晶「豪門清泉」、低調作風亦深得觀眾喜愛。農曆新年,郭晶晶再陪霍啟剛拍片整湯圓,大騷流利廣東話,並分享哈爾濱經歷,顯出積極貼地一面,非常可愛。

郭晶晶與霍啟剛一齊食湯圓,郭晶晶嫁落香港超過12年,講廣東話愈來愈自信。郭晶晶先用廣東話分享北方「元宵」及南方「湯圓」分別,以北方人來說已講得相當不錯!談到哈爾濱旅行經歷,除了不懂說「鋪牀」,郭晶晶9成時間均用廣東話說話,值得讚賞。
郭晶晶憶述,一家人當時入住東北特色民宿,5個人一齊迫埋瞓「東北火炕」,同瞓一張牀,仲要自己鋪牀。霍啟剛無奈稱張牀太硬「瞓得唔好」,郭晶晶則笑言:「我同小朋友都瞓得好好!小朋友好開心,我哋第一次5個人瞓一張牀。」郭晶晶大讚:「我覺得好舒服,小朋友都覺得好舒服!」郭晶晶貼地又積極,難怪收穫不少粉絲。郭晶晶全程說話輕聲細語,帶些蹩腳的廣東話更顯可愛,連網民都不禁大讚:「估唔到郭晶晶作為一個外省人啲廣東話講得算非常好」。