《中年好聲音3》導師自揭患子宮肌瘤 最大11cm驚到由心震出嚟
撰文:程嵐風
出版:更新:
現年41歲的謝文雅(Casey)是無綫節目《中年好聲音3》分組賽導師之一,日前她在社交平台透露自己患有子宮肌瘤,數目多達五粒,而最大一粒更被友人形容「bb個頭咁大?」,令她情緒一度波動。

謝文雅指最近經常被身邊朋友問近況,她說笑表示有一個「好消息」和一個「壞消息」,她寫道:「你想聽邊個先?其實『好消息』就係我最近做《中年好聲音3》嘅綠組導師,過程真係好開心好滿足,『壞消息』就係我發現我有『子宮肌瘤』,而且size仲要好大。」
原來收到「好消息」和「壞消息」的時間差不多,亦代表她做節目同時亦要面對病情,難怪有種「世事難料」的感覺。她透露自己一向沒有做身體檢查,發現時體內已有五粒子宮肌瘤,她續寫道:「最大嗰個瘤有: 10.2x9.6x11.4cm;第二大嗰個有:8.6x5.9x6.5cm;仲有三個相對地細啲嘅,基本上我個子宮都畀啲瘤堆實曬,無咩位剩。有媽媽級朋友仲講笑話咁最大嗰個瘤咁咪成個bb個頭咁大?」
謝文雅表示自己對子宮肌瘤這個病的資訊很貧乏,第一次聽到醫生談及病情,一時間亦難以接受,她說:「我係由個心震出嚟。。震到落個身。。再震到落隻手。。。我淨係記得醫生當時同我講,我啲瘤咁大,切都可能會裏面傷口好大會出好多血,微創都未必好多醫生肯做,同埋瘤越大。。癌變嘅機會就越高。。。仲有因為我嚴重貧血,要盡快入院輸血。。。我腦裏面淨係記得呢啲points。。。」不過,謝文雅透露現在過了大部分困惑的時間,因為已經進入手術後康復的道路,叫大家請放心。