直播靈接觸|阿Bob林盛試首公開轉運法 成功行足10年運:搵3個人
![直播靈接觸|阿Bob林盛試首公開轉運法 成功行足10年運:搵3個人 直播靈接觸|阿Bob林盛試首公開轉運法 成功行足10年運:搵3個人](https://cdn.hk01.com/di/media/images/dw/20250128/960953255930630144631754.jpeg/JxH4VfS1XHv8ADw3ExU4hnGBrvVgwUWt8V30K_Fd9Cs?v=w1920r16_9)
撰文:洪曉璇
出版:更新:
年廿八洗邋遢大日子,由梁思浩、黃紫恩(Jojo)及黃耀英(Darren)主持的《直播靈接觸》跟大家分享主題為「頭炷香」,請來林盛斌(阿Bob)及奇門遁甲雲文子師傅擔任嘉賓。阿Bob透露近日除忙於辦年貨,又要為3月7日在紅館開的Talk Show作準備,節目中他獨家公開隱藏多年的開運大法。
![.《直播靈接觸》請來阿Bob林盛斌擔任嘉賓。 .《直播靈接觸》請來阿Bob林盛斌擔任嘉賓。](https://cdn.hk01.com/di/media/images/dw/20250128/960952447298441216469278.jpeg/6SEu1TY3kiLDbbUaIjJD7AqSh2FoDXl9VnO2wFZztsA?v=w1920)
阿Bob表示2014年左右獲高人指點,他說︰「遇到工作唔順利、運氣麻麻可以試下,好簡單。位高人教我用一張紙,搵三個你覺得好勁、好犀利、好欣賞、好好運、好有錢、好富有豐盛嘅人,喺張紙寫個『豐』字。嗰時我搵咗兩位老闆同一位好欣賞嘅工作伙伴,一人寫一個『豐』字。跟住張紙用相架裱起放喺床頭,每一日瞓覺嘅時候,都有3個我好欣賞嘅人話畀我知『Bob你會好豐盛、會好豐足』。」村長解釋此為吸引力法,得到三位好運人仕祝福,自然功效強大。阿Bob表示打後幾年的事業是最豐收的日子,他認為是得到三位成功人仕的正能量加持,所以一帆風順。
每年有不少善信到廟宇力爭上「頭炷香」,祈求全年行好運。雲文子師傅笑言「頭炷香」非一般市民可以上到,她笑說︰「其實所謂『頭炷香』係祈願者上嘅第一炷香,只要根據奇門遁甲嘅吉時,自己係屋企都可以上香。而今年吉時喺聽晚子時,即聽晚11點到凌晨1點。」她表示只要在這段時間上香就可以。」雲文子師傅表示從道教來說,點香是跟天神溝通傳遞訊息的方法,她補充今年有幾個方位能增加運勢,如向西邊上香參拜三下可招貴人,西北方則利錢財家宅運。另外道教還有一樣名為「頭啖菜」,方法是以白烚一碟青菜,在上完頭炷香後 進食一口烚菜之後向南邊參拜四下,便能清除過往一年孽障。