無綫主播陳語翹照字幕讀錯德甲球員名引起風波　網民反慶幸一事

日前無綫新聞晚間時分，由主播陳語翹報道一則體育消息，講到德甲禾夫斯堡對基爾的賽事，當中提到「基爾的大衛施卡接應角球頂入」，但陳語翹將大「衛」施卡讀成大「衝」施卡，就令網民覺得十分搞笑。

日前無綫主播陳語翹報道德甲禾夫斯堡對基爾的賽事，當中提到「基爾的大衛施卡接應角球頂入」。（TVB）

翻查片段，當時其實連字幕都有錯，所以相信本身陳語翹冇睇開波，見字幕寫「衝」就讀「衝」，無心之失，卻想不到被網民錄低影片瘋傳，更開始接龍說：「大衝施卡幾衛得」、「大衝碧咸」、「大衝韋拿」、「大衝像」、「王家衝」、「衛力射球」等等，不過有網民卻認為大家應該因一事而開心，估計因為「衛」跟「衝」的速成碼都是「竹弓」，所以才會打錯，他們表示：「打稿嘅竟然未被用拼音輸入法嘅人取代晒😮」、「其實應該仲要開心， 至少佢哋打字仲用緊倉頡系…總比叫大 偉/圍等好🫡」不過都有網民推薦撰稿員放棄速成轉打倉頡，這樣就不會錯。