圈中模範夫妻代表張繼聰與謝安琪（Kay），婚後育有一子一女，多年來一直出雙入對相當甜蜜。轉眼1月20日是他們結婚18周年，張繼聰上載當年婚禮情深一吻照片公開向KAY示愛：「透過你，我睇到呢個世界嘅美好。」

照片中身穿婚紗的KAY，與白馬王子打扮的張繼聰擁吻，阿聰寫道：「18年前嘅今日，開始咗依段旅程，我哋手拖住手，戰勝驚濤駭浪嘅挑戰，生活日常嘅小確幸……四處遊玩，為無聊嘅瑣事大笑一餐，陪我哋小朋友行過唔同嘅階段，就係我夢寐以求嘅人生。」他續冧爆表示：「透過你，我睇到呢個世界嘅美好，Thank you baby ，仲有更多精彩同好玩嘅嘢等住我哋，啾咪 #happyaniversary」而謝安琪亦有在其IG限時動態轉發貼文，並表示：「Love you bibi」