姜濤開腔回應粉絲為爭位報警收場　衷心希望大家開開心心咁去支持

《無用的謊言》今晚（17日）播出大結局，姜濤、葛綽瑤、邱士縉、許寶恆、黃奕晨、鍾卓穎等齊齊與5百粉絲睇結局。

姜濤今晚出席《無用的謊言》結局派對。（葉志明攝）

姜濤明日將到澳門與Anson Lo 、韓星Rain、東方神起、女團MAMAMOO開騷，訪問前，他頻頻大晒韓文，問到會否趁機揾偶像Rain集郵，他說：「都唔係一齊表演。（會唔會唱新歌？）到時咪知囉。」姜濤表示會與Anson Lo有合作演出，而自己亦有Solo舞台。

問到會否因早前排隊導致報警而有壓力，姜濤表示壓力來自有好嘅舞台演出，但他亦謂：「好多事情無辦法深究，唯一可以做係呼籲大家開開心心咁去支持，大家都係想開心。」提到日前他在TG群組呼籲私追不要再去他的比賽，他解釋是因為打得唔好。