【步步驚心】劉詩詩成故宮展品　若曦穿越到現代？

劉詩詩2011年演出《步步驚心》「若曦」一角，令其事業再創高峰之餘，也為她覓得一段大好婚姻。劇集播出時，唔少觀眾已經大讚穿清朝宮廷服的劉詩詩氣質爆標，而呢種氣質，近日就連瀋陽故宮博物館都被吸引。因為有網友發現「若曦」竟變成了故宮的展品，以此介紹清朝旗袍。

在博物館中出現嘅「若曦」劇照，配有「滿族男女旨喜歡穿」的說明，並依次介紹滿族入關前後的服飾變化。而為咗有懷舊感覺，博物館更特意將照片微調至昏黃。粉絲見到都表示「證明劇組神還原服裝」、「厲害了」、「若曦太美了」、「這劇是經典，太深入人心」。而最正嘅係，劉詩詩喺《步》結局中，當劉詩詩重返現代後，一直追查歷史，希望搵得返「若曦」，最後一幕，就係講劉詩詩去到清朝文物博物館，發現畫中嘅侍女同自己十分似樣之際，貌似佢喺古代勁愛嘅四阿哥（吳奇隆）亦同時出現，唔知呢幕又有冇機會呈現呢？