羅霖91年亞姐奪冠入行 大爆內幕佳麗陰招盡出︰俾人批踭俾人推
撰文：洪曉璇
出版：更新：
歷年有不少選美劇，佳麗們爭妍鬥麗，經常有黑幕、出陰招，甚至陷害對手，原來現實生活中真有其事﹗1991年亞姐冠軍羅霖，原來當年親歷其境被批踭，直言似足現實版宮心計﹗
1991年羅霖以大熱姿態勇奪亞姐冠軍，從此展開銀色旅途，但原來參選期間真正見識到血淋淋一面，她在小紅書憶述當年經歷：「我俾人推得最多就係影大合照，會俾人批踭啦，會俾人推啦，因為好多人要爭C位呀，如果你摷番以前啲合照，我永遠都企側邊。」
羅霖貼出當年的合照，當中有贏得冠軍兼最完美體態獎的羅霖外，還有亞軍黎虹讌、季軍兼最上鏡小姐鄧佩茜，與及第四名的華天敏和第五名的王瑋。羅霖認為要表現自己是在單人照時，而非做這些小動作：「其實選美不只是看顏值，品行是非常重要的，我覺得做好自己本分、努力提升自己才是正確的道路，千萬不要做傷害人的事，只有好的品行才會讓你行得更遠。」
其實去年楊玉梅受訪時，亦曾爆亞姐佳麗陰招盡出：「食飯嗰陣佢地已經明爭暗鬥，又剪爛人地啲衫，又灑痕粉（真係咁黑暗架？）畀啲工作人員捉住問點解拎較剪入去，因為我地喺後台換衫放滿晒我地啲衫，好在捉住佢沒收咗，又有灑痕粉等對手出洋相。因為當時我係黑馬一開始未係佢地目標，拎到「最上鏡小姐」及「完美體態」比賽後返到後台，底衫褲同啲衫全部無晒。」
+17