阿Bob自認做直播帶貨水皮：自己喺呢方面唔叻
撰文：吳子生
出版：更新：
林盛斌(Bob) 今晚（4/1）現身亞洲國際博覽館出席由全港最大直播平台 OhBaby 舉行的「OH 斯卡頒獎典禮」，在特別環節驚喜現身擔任星級主持，為晚宴掀起高潮。阿Bob接受《香港01》訪問時表示：「其實我同呢個平台合作咗好耐，我嚟到係俾驚喜主人翁，因為佢哋已結結咗婚，同埋已經有晒小朋友，但原來佢哋仲未擺酒，咁所以今次就喺呢個活動上，就俾個驚喜佢哋，做一個婚宴主持，咁所以一陣就俾個驚喜佢哋兩個。」
被問到有否做話直播帶貨？阿Bob表示：「其實我之前做過，但我發覺自己喺呢方面唔係好叻，因為我唔係好叻講到啲貨品幾咁正，如果你叫我食住碗麵，講碗麵有幾咁好食，我諗呢方面我係有問題，但要個碗麵嘅湯底又點整，我諗又唔係好得，咁所以我都係做司儀比較好啲。」