李嘉欣勁敵67歲舊愛宣布婚訊 註冊完即搭私人飛機出埠度蜜月
撰文：董欣琪
出版：更新：
現年55歲的陳淑蘭在1988年參選港姐奪得亞軍，更力壓「大美人」李嘉欣奪得最上鏡小姐，令李嘉欣大受打擊，甚至衝入後台爆喊。雖然陳淑蘭至今未婚，但過往感情生活亦多姿多彩，她曾在1996年與漫畫家祈文傑拍拖，但可惜二人因性格不合分手，不過兩人再見亦是朋友，相處融洽。日前祈文傑在IG宣布婚訊，並曬出多張與老婆的合照，寫道：「🧧隆重宣布🤗我們結婚了👩🏻❤️👨🏻註冊完即往度假🛩️迎接美好未來㊗️大家新年快樂🥂」
相中所見，一對新人拍攝了不少婚紗相，新娘子以Deep V長裙上陣，氣質優雅。兩人又大曬婚戒，更搭私人飛機去度蜜月，一起出海、游水、打高爾夫球，相當瀟灑！
陳淑蘭曾自爆當年為追祈文傑而惡補漫畫，雖然最後分手收場，但多年來都保持友好關係，當年兩人分手後，陳淑蘭曾與祈文傑手拖手出席活動，她曾表示可以與前度「再見亦是朋友」，她希望二人的關係就好像謝賢和狄波拉一樣，永遠都是好朋友：「就算做唔成夫妻都可以做朋友，可以交心，唔會互相背叛。好似祈文傑咁，佢的確好好，但大家真係冇緣份，點解分手就唔可以做朋友呢？佢哋者係好好嘅人，唔做朋友係我嘅損失。」