現年80歲的馮素波（波姐）去年3月宣布完約離巢，結束與TVB三十多年的賓主關係。波姐最近接拍HOY TV首部原創劇集《我愛九龍城》，日前就與陳家樂、黃澤鋒和李文標一齊拍外景。

對於再次與陳家樂合作，波姐表示非常開心：「呢班小朋友，我個個睇住佢哋大，好似家樂仔咁，以前表現比較緊張，到而家就大個仔喇！仲同我講做咗爸爸，生咗個女，我覺得佢成個人好似唔同咗，開咗竅，以前成日都匿埋一邊唔講嘢，好怕事好驚得罪人咁！ 而家成個人就唔同曬！ 」而家樂就覺得自己沒有什麼改變：「可能以前自己就唔敢同啲唔熟嘅前輩傾計，近兩年如果遇到其他演員，我都會盡量傾下計，因為唔知幾時可以再合作，而且做咗爸爸之後，好多人都會過嚟恭喜我，咁就好容易打開話題喇! 」

黃澤鋒和李文標都曾經效力TVB，久未拍劇的黃澤鋒亦是串星之一，今次於劇中飾演「街市佬」，並跟另一檔主李文標持刀對峙，澤鋒笑言新鮮感十足：「以前不嬲做開嘅都係律師之類，今次做街市佬真係好正！ 我覺得而家拍電視劇好有電影感，好享受做演員嘅感覺! 總之就係好開心啦! 」