張敬軒拉埋Ian與親戚食宵夜 親解兩人關係並指對方怕羞
撰文：鄺鈺瑩
出版：更新：
張敬軒在昨日（28日）舉行的《新城勁爆頒獎禮 2024》憑《青春告別式》獲頒「勁爆年度歌曲」、「勁爆唱作人」金獎及「勁爆年度歌手」，連續七年奪得最高殊榮「勁爆年度歌手」的軒公，今屆再下一城第八度得獎，刷新個人紀錄。
軒公接受訪問時，大嘆家事比工事更大壓力，自爆母親近年信賴天然療法，對精油很有研究，屋企有600至700支精油。「佢耐唔耐好似古裝片落毒咁，因為我床頭有放濕機，我返到房就會覺得點解唔同咗味，佢會落乳香、薰衣草咁，近期開始滴迷迭香，佢話對男人功能有幫助。」
好友Ian日前推出迷你專輯，問到有否收到禮物，軒公表示已收到，又指日前完成活動後，與一班姨媽姑姐、親戚朋友搞慶功飯局，更拉埋Ian到場，但對方十分怕羞。Ian將在明年舉行世巡，問到會否有機會「完成」同台演出，軒公表示有度期飛去支持對方，但無考慮同台。「我上台好麻煩，唔好搞啦，等我問下我哋共同監製。」