許廷鏗分享欣宜近況「一切安好」 仍在等做對方MV男主角

許廷鏗（Alfred）在昨日（28日）舉行的《新城勁爆頒獎禮 2024》得「勁爆十大卓越歌手」、「勁爆歌曲」，他接受訪問時表示開心可以與好友鄧小巧一齊攞獎。熱愛打羽毛球的Alfred，近期迷上匹克球(Pickleball），他表示希望操出腹肌，又指想約最近頻頻打網球的大表哥Stanley切磋。

而提到另一好友欣宜日前被fans野生捕獲，許廷鏗表示：「其實佢唔難捕獲，大家都知佢咩料，遠距離聽到佢把聲，近距離睇到佢身型。所以捕獲佢無咩難度，捕獲完可以同佢 say hi。」許廷鏗又指欣宜一切安好，雖然未有齊齊開聖誕派對，但對方已mark餐廳，應該之後會約飯局。