尹光曾嗜賭成性曾欠下巨債 為家人洗心革面戒賭：輸咗一層樓
撰文：吳子生
出版：更新：
尹光（光B)今日（27/12）現身灣仔會展出席冬季購物節。光B透露最近為導演王晶執導的電影《麻雀女王追女男仔》唱主題曲，諗起三十多年前的自己嗜賭成性，一晚輸掉成副身家：「記得喺84年前我係輸得好犀利，試過一晚輸咗一層樓，當時市價一層樓大約十幾萬一層，到82年同我太太結婚之後，再喺84年有咗小朋友之後，我係戒咗賭錢，可以話係佢哋令我改變咗。」
光B續說：「嗰陣時搵錢容易，記得一晚走9場，日搵2千蚊，當時呢個收入，係當時打工仔嘅月薪人工。諗返起嗰陣時，賭親錢嘅時候係懵查查，贏就縮輸就谷，點知就係你賭十鋪，谷十鋪咁就死啦，就返唔到轉頭。後尾用咗好長時間先還清，可以話係長命債長命還。」