kayan9896被指豪門夢碎兼拜金 好友張天穎：佢係一個好叻嘅女仔
撰文：李一雲
出版：更新：
唱作女團Beanies今日（26日）出席第58屆工展會活動，並即場獻唱，炒熱全場氣氛。Beanies昨日（25日）於灣仔出席活動時接受媒體訪問期間，當記者想向張天穎詢問有關好姊妹 kayan9896（吳家忻）與「百億筍盤」男友馬桂烽分手一事，突然被Beanies工作人員不禮貌對待突然中斷訪問，原因是大會並沒有安排訪問環節！今日張天穎接受媒體訪問時則大方回答有關kayan9896與男友分手一事，她說：「我都有安慰佢嘅（kayan9896），佢OK嘅！」
張天穎回應好姊妹 kayan9896分手
講到有否留意最近kayan9896好友饒舌歌手Tiab在網絡上發表「唔好成班人蝦女仔」的言論，她隨即露出一個無辜的表情，並隱約發出：「嗯！」當傳媒繼續追問時，她則表示：「我都有睇到，之前佢哋係舊公司合作嘅關係。」被問到有傳好姊妹kayan9896已經分手一個月，她表示：「有同佢傾心事，分手嘅時間佢同佢男朋友嘅私隱，唔方便透露太多。」
張天穎力撐姊妹愛情觀正確
至於kayan9896是否為此事哭泣，她直言：「佢又冇喺我面前喊，我有send message畀佢，但之後我哋係會約。」被問到會否聖誕節邀請她一起玩，她表示：「如果有時間我會呀！一月先有時間約佢。」至於有網民指kayan9896拜金想入豪門，她表示：「我覺得？拜金呀佢？我覺得佢係一個好叻嘅女仔，我覺得佢愛情觀好正確，覺得佢唔係架！」