伍仲衡孖實黃日華加入明星足球隊　踢唔夠1小時抽筋宣布「掛靴」

音樂人伍仲衡早前傳跟無綫爭奪《校園好聲音》冠軍洪心怡並成功簽約，遭飛出《中年好聲音3》評審而掀起網民熱烈討論。不過事件並沒有影響伍仲衡心情，繼續活躍社交平台，更分享了孖實黃日華加入明星足球隊，首次落場就抽筋宣布「掛靴」？

伍仲衡日前（24日）首次跟明星足球隊練波，但被老婆拍下踢到抽筋的片段，更分享到Facebook。聲稱中學時踢學界司職右翼的伍仲衡已經有20年沒有踢波，現時體重亦升至逾200磅，被黃日華嘲笑：「叫佢慢慢踢㗎啦，係咁放盡，實抽啦！」。片中，伍仲衡獲兩位明星足球隊隊員為他按摩舒緩痛楚，更表示已經做了10年的運動量，宣布「掛靴」。

伍仲衡其後又更新Facebook交代最新狀況，並搞笑留言：「平安夜本來諗住出去拍拖睇燈飾，由於我突然行得慢過隻烏龜，節目改由在家裡接受伍太腳瓜Long按摩推油治療，今晚要不停加鐘，祝大家聖誕快樂」、「我由房行出廳，用咗1分鐘，今晚覺得屋企好大」。