【任噏亂評】 林峯高溫著絲絨 衣著品味潮過籠
撰文：洪曉璇
出版：更新：
藝人是份終生職業，沒有下班時間，一日24小時都要扮靚靚，不論在舞台上，去搭飛機還是行緊返屋企，任何時候都有被影機會，隨時都在最FIT狀態真係講就容易﹗如果本身沒甚麼FASHION SENSE，倒不如交給專業人士打造，例如女星現身機場打扮，已經成為贊助商必爭之地，有錢收又唔怕著錯衫變笑話，WIN-WIN﹗咁男星呢??男仔唔係西裝就SMART CASUAL(坤哥本人定義較特別可以不理)，可以有幾出事？
不如睇睇轉攻內地又好耐無見嘅林峯，之前剃光頭拍內地劇集極少曝光，拍畢後等頭髮長番終於可以靚仔示人，但日前以一身中國紅造型出席演唱會宣傳活動，應該屬驚嚇多於驚喜。演唱會記者會著紅D較喜慶不為過，但都唔使全身紅色啩？最勁係三四十度選擇一套絲絨連身褲，挑戰峯峯耐熱程度嗎？同色同質料腰帶配銀色方型扣，扎腳設計但橡筋外露，加上一對黑色短膠BOOT(相信是名牌但睇唔出)，品味嘅嘢……
曾幾何時峯峯大愛斯文LOOK，每次現身都係西裝裇衫，有時對鞋潮少少添新意，配上其180身高令不少女士顛倒。照道理出席記者會應該有形象指導，乜咁大整蠱呀……好，一兩次失手唔應該入佢數，睇埋早多一星期峯峯出席剪綵活動靚相先﹗西裝骨骨已經好穩陣，著出斯文型仔應該毫無難度，不過淨灰色西裝外套，配上格仔馬甲西褲，點解會有爸爸當年拍婚紗照嘅感覺……
近半年峯峯只在七月出席呢兩個公開活動，到底是人有失手還是內地工作太耐，散發另類衣著品味？實在有待下回分解。
+4