中年好聲音3｜32強誕生　前男子組合成員唱功贏5燈直接晉級

《中年好聲音3》香港賽區、新馬區及大灣區60強PK之戰來到最終回，本集有13位選手登場，當中除了「翻版沈震軒」李創偉跳唱快歌贏盡歡呼聲，盲選燈數獲4燈的前男子組合Square成員趙浚承，獻唱《突然想愛你》表現耀眼勇奪5燈，直接晉級。評審周國豐點評時再度讚他既有外形又有實力唱功，唯獨欠缺自信心：「硬係爭啲信心，希望你可以喺舞台上建立番你個信心，你外形好、唱功有番咁上下，要相信自己。」肥媽亦讚他對音樂有一份執著和熱愛，讓大家聽得投入。

最後出場的「女女PK組合」善玥澄VS何平秋，戰況同樣激烈，皆因何平秋在《中年好聲音3之決戰新馬》獲得全場最高分87分超班成績！首先出場的是3燈（盲選燈數）選手善玥澄，獻唱《我真的受傷了》表現不俗獲4燈好成績，雖然肥媽指音準「爭啲」，但仍獲讚「靚聲」聽得舒服，當中張佳添激讚：「好似按摩緊我耳仔咁，好舒服！」周國豐亦讚善玥澄唱出作曲兼填詞人王菀之於陰天裡創作歌曲的情緒：「我覺得你個mood好正，不過你音準係影響咗成隻歌嘅美感，如果改善埋呢樣就完全work到。」

同為3燈（盲選燈數）選手的何平秋則以《不讓我的眼淚陪我過夜》挑戰，演出同樣大獲好評勇奪4燈，客席評審布志綸（Alan）直言：「我今次嚟《中年好聲音》就係想聽呢啲嘢，好難唔畀分你。」張佳添再度睇好何平秋會成為「中3李佳」：「我曾經講過你可能係《中3》嘅李佳，今晚表演好唔錯，睇到你嘅實力。今次好痛苦，foul邊個都好心噏！」最終善玥澄與何平秋同獲4燈，最終評審投票以2:3宣布何平秋成為第29位晉級選手。

雖然原定晉級至下一回的名額只有30個，但由於表現優秀的選手實在太多，經評審退庭商議後，一致裁定讓三位選手「復活」，就是在這一回同樣獲得4燈佳績的楊炳德、羅逸軒和善玥澄，故最終順利誕生32強！32強名單請參考以下連結內的截圖。